به پێی ههواڵی گهیشتوو له مهریوان، كاربهدهستانی رژیم له گرتووخانهی ناوهندی ئهم شاره پێشیان به ئازاد كرانی زیندانیهكی سیاسی به ناوی "محهممهد وهتهن دوست" گرتووه.
له درێژهی ئهم هواڵهدا هاتووه: كه سهرهڕای ئهوهیكه ماوهی زیندانی "محهممهد وهتهندوست" تهواو بووه و نامهی ئازاد كرانی له لایهن كاربهدهستانی رژیم له گرتووخانهی ناوهندی مهریوانی وهرگرتراوه، بهڵام ئهم زیندانیه سیاسیه ههروا له زینداندا راگیراوه.
شایانی باسه له حاڵێكدا كاربهدهستانی رژیم له گرتووخانهی ناوهندی مهریوان، پێشیان به ئازاد كردنی ناوبراو گرتووه كه بارودۆخی جهستهیی ناوبراو به هۆی نهخۆشی دڵهوه، نالهباره. "محهممهد وهتهندوست" ههر ئێستا له دهرمانگای گرتووخانهی ناوهندی شاری مهریوان، بهستهری كراوه.
ناردن بۆ دۆستێک
نوسخهی چاپی
نوسخهی ساده